AITONA LUKASEN TXABOLA

Baserria eraitsi zutenez geroztik, aitona txabolan bizi da, eta ez da beste inora joaten. Krispin biloba gonbidatu du gaurkoan. Pozik hartu du gonbidapena, izan ere aitonak ez du inoiz presarik izaten, eta berarekin egoteko behar duen denbora hartzen du.
Txabolara sartu orduko, ordea, asko harritu da Krispin: batetik, inguratzen duen guztia zaharkitua iruditu zaiolako, bestetik, aitona bakarrik ikusteak harritu eta kezkatu egin du. Aitonak, ordea, aurrea hartuz argitu dio bakarrik bizi dela, baina ez dagoela bakarrik. Hain justu, Krispinek banan-banan ezagutuko ditu aitonaren lagunak: Xilbestre armiarma, Margarita ahatea, Clementina sagua eta Pakito barraskiloa.